| კასპის რაიონულ ცენტრში რუსეთის ავიაციის მიერ განხორციელებული დაბომბვის შედეგად დაზიანებულია სარკინიგზო მაგისტრალის ერთ-ერთ ხაზი. მიუხედავად ამისა რკინიგზა ფუნქციონირებას მაინც განაგრძობს. აღნიშნული ინფორმაცია გაავრცელა კასპის მუნიციპალიტეტის ხელმძღვანელმა კახა ხაჩირაშვილმა. - ”მდინარე ლეხურას ხიდთან მიმდებარე ტერიტორიის დაბომბვას არ გამოუწვევია მნიშვნელოვანი დაზიანებები და ამ დროისათვის ხიდზე გადაადგილება მიმდინარეობას ყოველგვარი დაბრკოლების გარეშე”, - განაცხადა კახა ხაჩირაშვილმა. ოფიციალური ცნობების თანახმად, კასპის დაბომბვის შედეგად დაიჭრა ორი მშვიდობიანი მოქალაქე. დაჭრილთა სიცოცხლეს საფრთხე არ ემუქრება. 12 აგვისტოს 13:00 საათზე კასპის სხვადასხვა რაიონში რუსეთის ფედერაციის ”Су-25”-ის მიერ ჩამოგდებულ იქნა ხუთი ჭურვი, მათ შორის ცემენტის ქარხნის ტერიტოარიაც. | 
