რულიად საქართველოს კათოლიკოს-პატრიარქი რუსთის მიერ
საქართველოს წინააღმდეგ განხორციელებულ ქმედებებს დიდ შეცდომად
მიიჩნევს.
სრულიად საქართველოს კათოლიკოს-პატრიარქმა, უწმინდესმა და უნეტარესმა
ილია მეორემ დღევანდელ საკვირაო ქადაგებაში ქართულ-რუსულ ურთიერთობებზე
ისაუბრა.
"მართალია, დღეს ჩვენ განსაცდელში ვიმყოფებით, მაგრამ ნურაფრის ნუ
გეშინიათ, ღმერთი მფარველია და ყოვლად წმინდა ღვთისმშობელმა დედამ გადააფარა
საქართველოს თავისი კალთა. სამწუხაროა, რომ ერთმორწმუნე, მართლმადიდებლური რუსეთი
ბომბავს მართლმადიდებელ საქართველოს. ეს არის პირველი შემთხვევა ასეთი
დამოკიდებულებისა. ღვთის მადლი გადაარჩენს საქართველოს. რუსეთის ასეთი მოქმედება
არის დიდი შეცდომა. ძველად ამბობდნენ, წყალი მიდგებ-მოდგება, თავის საგუბარში
ჩადგებაო", _ ბრძანა პატრიარქმა. ქადაგების დასრულებისას უწმინდესმა ერი დალოცა.
| 
